Paasissutissat piviusut: Nunat Avannarliit Nuummi kulturisioqatigiinnerat 2023

- kalaallit nunanilu avannarlerniit eqqumiitsulianik kulturiannillu ulluni sisamani nalliuttorsiutiginninneq

- 2015-imi pilersinneqarpoq uteqqiattumillu pikialaarfiulluni.

- Eqqumiitsuliat assigiinngitsut nipilersornermit qitinnermut saqqummersitsinernit isumasioqatigiinnernut, atuakkialerineq, workshoppit, nerisassat il.il.

- Pilersaarummi Nunani Avannarlerni tamaneersunit eqqumiitsuliortut 50-nit amerlanerusut peqataallutik 50 procentingajaat kalaaliupput eqqumiitsuliortut aamma ileqqoraarput pilersaarummi arnat angutillu agguarsimaneri amerlaqatigiisittarpagut.

- Eqqumiitsuliortunik Kalaallit Nunaat, Danmark, Sverige, Norge, Finland, Island aamma Savalimmiut aallartitaqarput. Festivalini siusinnerusuni Åland, Canada aamma USAmit tikeraartoqarnikuuvoq. Aamma eqqumiitsuliortut Australiameersut Iranimeersullu.

- Kajumissutsiminnik suliaqartunik 100-nit amerlanernit ikiorneqassapput.

- Inuusuttunut 12-it inorlugit ukiullit akiliinatik peqataasinnaapput. Aaqqissussat ilai tamanut akeqanngillat.

NUUK NORDISK PILLUGU

2015-miilli Nunat Avannarliit Nuummi Kulturisioqatigiinnerat nunat avannarliit suleqatigiinnerisigut eqqumiitsuliornerup kulturillu qanoq pitsaassuseqalersinnaanerannut najoqqutassiivoq. 2015, 2017 aamma 2019-imi ukiakkut Kalaallit Nunaanni illoqarfiit pingaarnersaanni Nuuk sapaatip akunnera tamaaviat eqqumiitsulianik avitseqatigiinnermut, suleqatigiinnermut isumassarsiornermilu ataatsimoorfittut unneqqariffiunerpaatut, aallussilluarfiunerpaatut peqataatitsinerpaatullu allanngortitsiffiuvoq. Nunat Avannarliit Nuummi Kulturisioqatigiinnerat tassaavoq sapaatip akunnera naallugu  eqqumiitsuliornermik kulturilerinermillu pikialaartitsineq – Nunat Avannarliit qimallugit, nunallu avannarliit suleqatigiinnerannut qanilluinnarluni.

Kalaallit Nunaat Nunat Avannarliit Issittumut itsuannisaarfigaat. Inissisimanerata nunarsuarmi qeqertat annersaat inissippaat suut tamarmik tupinnartut alianaatsullu pisoqarfianni - eqqumiitsuliallu tupinnartut pilerfianni. Kulturit, naleqartitat, inuit inuiaqatigiillu ersarissumik tusarsaasumillu naapiffianni – pinngortitap soqqusaatsuuneranut akerliusutut tunuliaqutatut.

Nunat Avannarliit Nuummi kulturisioqatigiinnerata ingerlanerani ukiut marlukkaarlugit neqeroorutigineqartarput pilersaarutit assigiinngitsut pilersitsiffiusut, isiginnaartut pilersitseqataaffigisinnaasaat peqataaffigisinnaasaallu aamma aliikkusersuinerup eqqumiitsuliornerullu, eqqumiitsuliortut isiginnaartullu kiisalu najuuttut aaqqissuussat akornanni. Nunat Avannarliit Nuummi kulturisioqatigiinneq naapinnernut ilimaginngisanut pissutsinullu nutaanut sinaakkusiivoq, tamatumalu inernerissavaalu suliami qajannartumi pilersaarut arlalinnik immikkoortortalik.

Festivalip tullia pissaaq 23.-26. oktobari 2025

Fesvaalimut naleqartitat pingaarnerit tassaapput:

●     Nunat avannarliit suleqatigiinnerat

●     Peqataatitsineq

●     Co-creation

Nuummi Nunat Avannarliit Kulturisioqatigiissinneqartarnerannut 2015-imi aallartinneqarpoq, piginnittuullutik Kommuneqarfik Sermersooq aamma NAPA, Kalaallit Nunaanni Nunat Avannarliit Illuutaat.