Nunat Avannarliit Nuummi kulturikkut pilersitsisinnaassuseqartunik pissarserusuppoq!
Assi: Dida G. Heilmann
Nunat Avannarliit Nuummi kulturisioqatigiinnermi 2021-mi 1.-7. novembarimi pisussamut eqqumiitsuliortutut, kulturikkut pilersitsisutut tunniusseqataarusuppit? Ukiup tulliani Nuummi festivaleqarnissamut aaqqissuussinernut, isumassarsianut, saqqummersitsinernut, tusarnaartitsinernut aaqqissuussanullu Nunani Avannarlernit eqqumiitsuliortut qaaqquneqarput
Nunat Avannarliit Nuummi kulturisioqatigiinneranni 2021-mi sammineqartussaq tassaavoq Journey, pikialaartitsinermilu eqqumiitsuliornermi oqariartuuteqarnermi atorneqartartut – soorlu isiginnaartitsinikkut eqqumiitsuliorneq, nerisassiorneq, nipilersorneq, assassukkanik eqqumiitsuliorneq, illussanik titartaaneq, assilissanik eqqumiitsuliorneq il.il. Nipilersoqatisi, isiginnaartitsisarfisi, eqqumiitsuliortut, illit eqqumiitsuliortartoqatitit, eqqumiitsuliornermi suliasi imaluunniit illit pilersitsisutut ukiup tulliani kulturisiornermi peqataasinnaavutit - suliap naammassineqarnissaanut allanik suleqateqarsinnaanermut ammagussi, "UNA" immersugassaq immersorsiuk. Periarfissaqartippassi. Ugguuna qinnuteqarit.
Qinnuteqarnermut killigitinneqarpoq ulloq 6. november 2020. Qinnuteqarnissamut killigititap kingusinnerpaamik sapaatip akunneri sisamat qaangiunneranni akissutisisoqassaaq.
Tusarfiginissarsi qilanaaraarput!
Nunat Avannarliit Nuummi Kulturisioqatigiinnerat
Nunat Avannarliit Nuummi kulturisioqatigiinneq aamma naligiissitaanermut tunngatillugu kulturisiortitsineruvoq, apeqqutit maannakkumut naleqquttut, unammilligassat periarfissallu sammineqartarlutik.
Kulturisioqatigiinneq 2015-imi aallartinneqarpoq, ukiorlu ataaseq allortarlugu Kalaallit Nunaanni illoqarfiit pingaarnersaanni Nuummi ingerlanneqartarluni. Kalaallit Nunaata Nunallu Avannarliit attaveqatigiinneri nukittorsarnissaat kulturisiornerup siunertaraa NAPA-mit illoqarfiit pingaarnersaannilu kommunimi, Kommuneqarfik Sermersuumit ingerlanneqarluni. Kulturisiorfiit (2015, 2017 aamma 2019) iluatsittut misilittagaqarfigereerlugit 2021-mi Nunat Avannarliit Nuummi kulturisioqatigiinnermi sapaatip akunneranut pilersitsiviusussamut qilanaarpugut, nunani avannarlerni suleqatigiinneq, aaqqissuusseqatigiinneq peqataasullu kulturiat qitiutillugu ingerlatsineq, aammalu eqqumiitsuliornikkut kulturikkullu oqallinnissamut periarfissaqartitsissalluta.
Pilersaarusiornermik aqutsisoq Jonas Nilsson “co-creation, nunani avannarlerni suleqatigiinneq aamma peqataasut kulturiat festivalertitsinermi naleqartitani qitiutinneqartut pillugit nassuiaateqassaaq, taamaammat una open call uagutsinnut pingaaruteqartuuvoq. Nunani avannarlerni tamaneersunit qinnuteqartoqarumaartoq neriuutigaarput”.
Kalaallit Nunatta Nunallu avannarliit sinnerisa akornanni ataqatigiilernissaq anguniarparput. Kalaallit Nunaanni Nunanilu Avannarlerni inuiaqatigiit ataatsimoorlutik isumassarsioqatigiillutillu qanoq ineriartorsinnaanersut siunnersuutissaqarpugut.