2021-festival qilanaartuuserlugu aallartikkutsigu isiginnaaqataagit!
Foto: Dida G. Heilmann
Nuuk Nordisk Kulturfestival 2021 ukioq ataaseq qaangiuppat aallartinneqarnissaanut atatillugu aaqqissuussivugut taallugu One-Year-To-Go-event – illillu peqataaqquneqarputit. Nuuk Nordisk Kulturfestivalip nittartagaatigut aliikkusersuineq kulturilu nalliuttorsiutigissavagut digitalimik ulloq 31. oktobari.
Tusarnaartitsinerit, aliannaarneq, eqqumiitsuliortunit ilanngussat aamma kulturi pillugu oqallinnerit ilaminiinnarivai, uani ulloq 31. oktobari aaqqissuussarput ONE-YEAR-TO-GO aallakaatilerutsigu. Isiginnaaqataagit uani nnk.gl taavalu Nuuk Nordisk Kulturfestival pillugu kulturilerisuniit ilanngussarpassuit pissanganartut misigalugit.
Aaqqissuussaq marlunnut avipparput. Siulleq nal.13:00 aallartissaaq, Maren-Louise Poulsen Kristiansen tikilluaqqusippat 2021-milu festivalip qulequtaa saqqummiullugu. Taassuma kingornatigut aliikkusersuineq pilersinneqartullu illit ininniit toqqaannartumik malinnaaffigilersinnaavatit, soorlu nipilersortartut soorlu Teitur, Eivør, Andachan allallu tusarnaartitsilerpata.
Allami eqqumiitsuliortut sannaviannut qaaqquatsigit tassani eqqumiitsuliap qanoq suliarineqarneranik malinnaasinnaavutit. Sumit isumassarsiaq pinngortarpa eqqumiitsuliarlu eqqumiitsuliortumut qanoq isumaqarpa? Tamatuminnga Maren-Louise Poulsen Kristiansenip eqqumiitsuliortup silarsuaanut ingerlaqatigissavaatit.
Isiginnaaqataagit, 2021-festfestival qilanaartuuserlugu ONE-YEAR-TO-GO ulloq 31. oktobari nal. 13:00 aallartinneqarpat.