Photo: Visit Greenland, Rebecca Gustafsson 

Photo: Visit Greenland, Rebecca Gustafsson 

NUUK NORDISK PILLUGU

Nuuk Nordiskimi eqqumiitsuliorneq assigiinngitsorpassuanngorlugu misigisassatut sapatip akunnerata missarpiaani ingerlanneqartarpoq - Nunat Avannarliit qeqqaniinngikkaluarluni Nunat Avannarliit anersaavat "uummatigaa".

Nuuk Nordisk Kulturfestival Nunat Avannarliit iluanni eqqumiitsuliornikkut kulturikkullu suleqatigiinnerup qanoq pitsaatigisumik kinguneqarsinnaaneranik ukiuni sisamani kingullerni takutitsivoq. Kalaallit Nunaanni illoqarfiit pingaarnersaat Nuuk 2015-imi 2017-imilu kulturikkut paarlaasseqatigiinnermik, suleqatigiinnermik isumassarsiffiusumillu qitiuvoq, unneqqarissumik, aallussilluartumik tamanillu peqataatitsisumik.

 

Kalaallit Nunaat tassaavoq Nunat Avannarliit Issittumi nunanut igalaava. Nunarsuarmi sumiiffiata suna tamaat tupinnartuliatut alutornarluinnartutullu pinngorartilersarpaa tamanit takuneqarlunilu tusaaneqarsinnaasumik. Kulturit, pingaartitat, inuit inuiaallu naapisittarpai pinngortitap peqqarniissinnaassusersua tunuliaqutsiullugu.

Nuuk Nordisk kulturip silarsuaani assigiinngitsorpassuarnik pisussanik aaqqissuussisarpoq, najuuttut eqqumiitsuliortullu pilersitseqatigiinnerannik kinguneqartumik - aliikkusersuineq eqqumiitsuliornerlu, eqqumiitsuliortut isiginnaartullu, najuuttut pisullu akimorlugit.

 

Kulturikkut pikialaartitsineq festivalimi killilersuutaasinnaasunik tamanik suujunnaartitsisarpoq ilimaginngisat pinerannik naapinnerannillu kinguneqartumik.
2017-imi festivaleqarmat eqqumiitsuliortut 275-it aamma qaaqqusat peqataatitallu 300-t pisuni 250-ini sumiiffinni 50-iniittuni pikialaartitseqataapput.

Festivalimi pingaartitat ukuupput:

  • Nunat Avannarliit suleqatigiinnerat
  • Kulturi qiteralugu naapinneq
  • Pinngorartitseqataaneq 

 Nuuk Nordisk aallartinneqarpoq ukunannga: Kommuneqarfik Sermersooq aamma Nordens Institut I Grønland (NAPA - Nunani Avannarlerni Piorsarsimassutsikkut Attaveqaat)

Sermersooq.png